Novo Bios 3. Bioloxía e xeoloxía

O corpo humano posúe varios niveis de organización estrutural e funcional. Os distintos aparellos e órganos levan a cabo funcións moi especializadas, aínda que todas elas teñen en común o contribuír ao mantemento da vida. Os aparellos e órganos á súa vez están formados pola asociación de distintos tecidos. A estrutura e función dos distintos órganos depende da maneira en que estes tecidos se asocien e interaccionen entre eles. [...]

Ao longo da Historia atribuíronselle aos alimentos distintas propiedades, algunhas relacionadas cos mitos e coa maxia. Sorprende saber que actualmente existen pobos primitivos que comen o corazón das súas presas para adquirir a fortaleza das feras. [...]

Os seres unicelulares e moitos invertebrados acuáticos intercambian substancias co medio acuoso que os rodea. Do mesmo xeito, todas as nosas células están inmersas nun líquido, do que toman os nutrientes e o osíxeno que necesitan, e ao que expulsan os seus residuos metabólicos. Este líquido constitúe o medio no que viven todas as células e se chama medio interno. [...]

Practicar deportes, resolver problemas matemáticos ou xogar cunha videoconsola son exemplos da capacidade do noso organismo para responder de forma rápida e coordinada a estímulos, neste caso, externos. Poder recibir estímulos e elaborar respostas a eles é posible grazas ao sistema nervioso. [...]

Os órganos dos sentidos constitúen a ventá pola que o noso corpo recibe a información do medio que o rodea. O ollo e o oído son moi complexos e permítennos diferenciar imaxes e sons moi diversos. A forma do corpo e a estatura débesllas ao teu esqueleto. Os ósos constitúen unha armazón interna que se encarga de soportar o teu peso. [...]

A reprodución é a función que permite ao home e á muller perpetuar a especie. Por medio da unión de dous gametos orixínase unha nova vida. Na especie humana, como en todos os mamíferos, a fecundación e o desenvolvemento do feto realízanse dentro do corpo da nai. O período de xestación é longo e o acabado de nacer require o coidado dos pais durante bastante tempo. [...]

A saúde é unha das condicións máis importantes para o benestar das persoas. A nosa saúde depende de moitos factores. Algúns herdámolos dos nosos pais, polo que non os podemos modificar, pero outros dependen directamente da vontade de cada un. [...]

O uso intensivo dos recursos leva ao seu esgotamento, como é o caso dos recursos enerxéticos fósiles. Nos países desenvolvidos consómense cantidades crecentes de petróleo, gas natural e carbón sen ter presente, nin as previsións do seu esgotamento, nin os problemas ambientais que provoca a súa combustión. Outro recurso en retroceso é a masa forestal. [...]

As interaccións entre a atmosfera, os océanos e a codia terrestre seguen ciclos naturais cunha periodicidade que se mantivo estable ao longo de moito tempo. Na actualidade, o aumento da poboación humana e a sobreexplotación dos recursos naturais está alterando estes ciclos e provocando cambios no medio. [...]

O Sol emite radiacións en forma de ondas electromagnéticas que chegan ata nós e nos proporcionan luz e calor. A atmosfera filtra a radiación solar permitindo a existencia de vida sobre o noso planeta. Os gases atmosféricos tamén son responsables do efecto invernadoiro, grazas ao cal toda a calor que chega ata a superficie durante o día non se perde durante a noite. [...]

Cando observamos os diferentes relevos do noso planeta: grandes barrancos, canóns, desfiladeiros, vales, cantís, etc., debemos considerar que cada un deles foi esculpido por diferentes axentes xeolóxicos que actuaron durante moito tempo. Os axentes externos que modelan o relevo traballan lenta e constantemente. [...]